S Ondernähme RTN & MOM d.o.o. esch als Verwalter vom Online-Shop Metalcamp.com verpflechtet, för en sorgfältigi Handhabig vo persöndleche Chondedate im Senn vode Gsetzt ide Republik Slowenie z sorge. S Ondernähme RTN & MOM d.o.o. verpflechtet sech, persöndlechi Chondedate ond eventuelli anderi Date (Bschtelligsarchiv) ned a dretti Persone witerzleite.
Als Chond hend Sie alli Rächt, wo us em Verbrucherschotzgsetz hervorgönd. Met em Chauf bestätiged Sie, dass s Ondernähme RTN & MOM d.o.o. Ehri persöndleche Date härstellt, witerfüehrt, instand haltet ond verwaltet ond Ehne debi de Schotz vo persöndleche Date gmäss em Gsetz zode Secherig vo persöndleche Date (Uradni list RS št. 59/99, 57/01) versecheret.
Alli Internetaktivitäte vo RTN & MOM d.o.o. stemmid öberii met de europäische Gsetzgäbig (EU Direktive 95/46/EC, 2002/58/EC ide Vertragsabkomme ETS 108, ETS 181, ETS 185, ETS 189) ond de Gsetz vode zentral- ond osteuropäische Staate. D Politik vom persöndleche Dateschotz behandlet d Informatione, wo s Ondernähme RTN & MOM d.o.o. bi Ehrem Bsuech vode Internetsiite bechond.
SAMMLIG OND BEARBEITIG VO PERSÖNDLECHE DATE
Persöndlechi Date send Informatione, wo Sie identifizierid; Vorname, Nochname, E-Mail-Adrässe oder Sändeadrässe. S Ondernähme RTN & MOM d.o.o. sammlet Ehri Date ned, osser Sie erlaubids, binere Bstellig voneme Artikel oder bide Amäldig för de Newsletter.
WERBEMETTEILIGE
Sie mönd folgendi Date beinhalte:
- Sie mönd klar ond iwandfrei als Werbemetteilige kennzeichnet sii.
- De Absänder muess iwandfrei identifizierbar sii.
- Verschednigi Aktione, Promotione ond anderi Markttechnike müend als solchi kennzeichnet sii. Äbeso müend d Teilnahmebedengige klar erlüteret sii.
- De Wonsch vom Benotzer, ke Werbemetteilige welle z becho, muess beachtet wärde.
- RTN & MOM d.o.o. verpflechtet sech, de Benotzer uf sine Wonsch vode E-Mail-Empfänger-Datebank z lösche.
- RTN & MOM d.o.o. verpflechtet sech, s Abmäldigsverfahre us de Empfängerlischte i jedere Metteilig z erlütere.
VERWÄNDIG VO PERSÖNDLECHE DATE
S Ondernähme RTN & MOM d.o.o. benötz Ehri persöndleche Date usschliesslech för de technisch Bedarf vode Administration uf de Internetsiite, om Ehne Zuetrett zo Informatione z ermögleche ond en allgemäini Kommunikation met Ehne ufzboue. RTN & MOM d.o.o. werd Ehri persöndleche Date ned a dretti Persone witerläite, osser Sie erlaubeds. Die Agschtellte im Ondernähme RTN & MOM d.o.o. send dör d Vertroulechkäitsveribarig verpflechtet, Ehri persöndleche Date z achte.
FREIHÄIT ZOR USWAHL
D Informatione, wo Sie em Ondernähme RTN & MOM d.o.o. witerläited, kontrolliered Sie. Wenn Sie sech entschäided, ke persöndlechi Date em Ondernähme RTN & MOM d.o.o. z schecke, wärdid Sie uf äinigi Siite ke Zuegreff ha. Benötzer, wo sech vo üsem Newsletter wennd abmälde, könnd öber webmaster[at]metalcamp.com d Abmäldig benochrechtige. Wenn sech Ehri persöndleche Date (Adrässe, E-Mail, Telefonnommere) änderid, bettid mer Sie, üs öber office[at]metalcamp.com dröber z benochrechtige.AUTOMATISCHI VERZÄICHNIG VO INFORMATIONE (onpersöndlechi Date)
Wenn emmer Sie uf d Internetsiite vom Ondernähme RTN & MOM d.o.o. zuegriifed, wärdid allgemäini, onpersöndlechi Date (Benotzer vom Internetsuecher, Zahl vode Bsuecher, dorchschnettlechi Ziit vom Bsuech, bsuechti Internetsiite) automatisch erfasst (ned als Täil vode Amäldig). Die Date dienid zode Mässig vode Bsuecherzahle ond för en Verbesserig vom Inhalt ond de Verwändbarkäit. Ehri Date send ned Täil vonere witere Behandlig ond wärdid ned a dretti Persone witergläitet.
SECHERHÄIT
S Ondernähme RTN & MOM d.o.o. esch sehr om d Secherig vo persöndleche Date bemüeht. Ehri Date send die ganz Ziit vor Verloscht, Vernechtig, Fälschig, Manipulation ond onautorisiertem Zuegreff oder Fendig gschötzt.
JUGENDLECHI PERSONE
S Ondernähme RTN & MOM d.o.o. empfehlt allne Eltere ond Sorgeberächtigte, Ehrne Jugendleche ond Chend es sechers ond verantwortigsvolls Verhalte met persöndleche Date im Internet bizbrenge. Jugendlechi döfid ke persöndlechi Date ohni elterlechi Erlaubnis oder d Erlaubnis vode Sorgeberächtigte uf de Internetsiite vo RTN & MOM d.o.o. öberträge. S Ondernähme RTN & MOM d.o.o. werd nie bewosst persöndlechi Date vo Jugendleche sammle, sie benötze oder a Dretti witerläite.
VERBENDIGE ZO ANDERNE INTERNETSIITE
D Erklärig öber de Dateschotz vo persöndleche Date beziehd sech uf d Internetsiite vom Ondernähme RTN & MOM d.o.o.. D Siitene uf dere Page chönnd Verbendige zo anderne Internetsiite vo interne oder externe RTN & MOM d.o.o. Versorger beinhalte, wo d Erklärig öber de Dateschotz vo persöndleche Date ned geltet. Wenn Sie d Internetsiite vom Ondernähme RTN & MOM d.o.o. verlönd, läsid Sie wederom d Erklärig döre öber de Dateschotz vo persöndleche Date vo anderne Internetsite-Inhaber, wo persöndlechi Identifikationsdate sammlid.